Қазақстан ИННОПРОМ көрмесінде индустриялық жобаларды ұсынды

Қазақстан ИННОПРОМ халықаралық көрмесінде өнеркәсіптік және технологиялық әлеуетін таныстырды. Ресейдің Екатеринбург қаласында өтіп жатқан XVI халықаралық өнеркәсіп көрмесіне қатысқан Премьер-министр Олжас Бектенов еліміздің инвестициялық мүмкіндіктері мен өндірісті жаңғырту бағытындағы жұмыстарына  тоқталды. «Индустрия 360: шекарасыз өндіріс» пленарлық сессиясында сөз сөйлеген Үкімет басшысы Қазақстанның шикізатты терең өңдеу, машина жасау, металлургия, мұнай-газ химиясы және жоғары технологиялық өндірістерді дамытуға басымдық беріп отырғанын айтты. 

Биыл Қазақстан павильонында машина жасау, металлургия, ІТ, жасанды интеллект, микроэлектроника және өндірісті цифрландыру бағытындағы отандық әзірлемелер ұсынылды. Бұл – қазақстандық компаниялар үшін өз өнімдерін халықаралық нарыққа таныстырып, жаңа инвесторлар мен серіктестер тартуға мүмкіндік беретін маңызды алаң.