36 мың тұрғын газбен қамтылады

Алдағы 10 жылда елдің 80 пайызы табиғи газбен қамтылады. Энергетика министрлігі жоспарды таныстырды. Былтыр 94 ауыл-аймаққа көгілдір отын жеткізілді. Осылайша 84 ірі жоба іске асқан. 354 мың тұрғын соның игілігін көрді. Енді жыл соңына дейін тағы 36 мың азамат қамтылады. Бүгінде табиғи газды пайдаланып отырған халық саны 13 миллионнан асады. Тұтас елді қамтамасыз ету жайын Мемлекет басшысы қадағалап отыр.

2027 жылы қуаты жылына 1 миллиард текше метр болатын Қашағандағы газ өңдеу зауытын және Жаңаөзен қаласындағы қуаты жылына 0,9 миллиард текше метр болатын Қазақ газ өңдеу зауытын пайдалануға беру күтіледі.