Жер сілкінісінен кейін республикалық автожолдар шұғыл тексерілді

Жамбыл облысында 2 күн бұрын магнитудасы 4,5 балдық жер дүмпуі болған еді. Соған байланысты республикалық маңызы бар автожолдар шұғыл түрде тексерілді.

«ҚазАвтожол» мамандары Меркі, Жамбыл, Жуалы, Байзақ, Қордай, Мойынқұм, Шу және Тұрар Рысқұлов аудандарын аралап, тас жолдардың жай-күйін жіті қарап шықты.  Бас-аяғы 14 жол айрығы, 8 теміржол өткелі мен ауыл шаруашылығы техникасына арналған 10 жол бөлігінің беріктігі сынақтан өткізілді. Сонымен қатар 39 көпір мен 2 жерүсті жаяу жүргіншілер өткелінің техникалық жағдайы тексеруден өткізілді. Нәтижесінде мамандар жол бойында ешқандай ақау жоқ екенін анықтады. Сондықтан көлік қозғалысына ешқандай шектеу жоқ.