Есірткіге қатысты 2 мың қылмыстық іс анықталды

Елде жыл басынан бері есірткі қылмысына қатысты 2 мыңдай қылмыстық іс анықталды. Бұл туралы Ішкі істер министрлігінің өкілдері арнайы өткізген брифингте айтты. 6 ұйымдасқан қылмыстық топ, 29 ұйым әшкереленген. Бұдан бөлек, «Киберқадағалау» жүйесі арқылы 15 мыңнан астам заңсыз бейнежазба өшірілді. 177 мың шетелдік төлем картасы бұғатталды. 580 кг синтетикалық есірткі тәркіленді. Оларды өндірген 15 есірткі зертханасының шамамен 70%-ы шалғайдағы ауылдарда орналасқан. Осыған байланысты өңірлерде ақпараттық-түсіндіру жұмыстары күшейтілді.

Республика бойынша есірткіге қарсы айлық аясында әртүрлі форматта 290-нан астам профилактикалық іс-шара ұйымдастырылды. Айлықтың басты назары ақпараттық-ағарту, жұмыстарына, жастар арасында профилактикаға және халық үшін ашық кеңес беру іс-шараларын ұйымдастыруға ауыстырылды.