Тарихи таңдау жаңа мүмкіндіктерге жол ашады

Жайық жастары негізгі заңның қолданысқа енуіне орай «Жаңа кезең – жаңа мүмкіндіктер» атты қолдау шарасын ұйымдастырды. Жастар қала тұрғындарына жалауша мен «Қазақстан» шоколадын таратты. Әрі Ата заңның қолданысқа енгенін, тарихи күннің маңызын айтып өтті. Конституцияда еліміздің басты құндылығы – адам және оның өмірі мен бостандығы деп көрсетілген. Егемендік иесі – ел халқының әлеуметтік әл-ауқатын арттыруға кепілдік берілген. Жұртшылық ел дамуының жаңа кезеңі, тарихи таңдауы жаңа мүмкіндіктерге жол ашатынын құптады.

Жәния Бекболатова, қала тұрғыны:

Әуежайда ұшақтан түскен бойда әнұранды айтты бұл бала. Елге деген сағынышы сондай. Балаларым Катардан келіп жатыр. Кеше ғана демалысқа ұшып келді аналарымен. Папасы сол жақта жұмыста. Балалар елді өте қатты сағынады. Жүрген жерлерінде ел Туын алып жүреді. Конституция енгізіліп жатыр екен елімізде. Бізге жаңа бағыт-бағдар берсін.