АЭС құрылысында 10 мың адам жұмыспен қамтылады

Елімізде Атом электр стансасын салу кезінде құрылыс мамандарына сұраныс жоғары болады. Құрылыстың алғашқы жылында шамамен 2 мың адам, екінші жылында 5 мың, ал ең жоғары көрсеткіш – 44-айда 10 мың адам жұмыс істейді деп жоспарланып отыр. Олардың бәрі атом саласының маманы емес, әрине қарапайым дәнекерлеуші, құрылысшы және тағы басқа кәсіп иелері бар.

Данияр Жансейітов, Қазақстандық қамту департаментінің директоры:

Әлеует әрине бар. Біз 2000 жылдан бері Қазақстанның ЖОО-да осы ядролық энергетика және атом энергетика саласында 4 500-ден астам маман даярладық. Бұдан бөлек, сол ЭПИСИ контрактісінің ішінде бізге керек 1 800 адамды біз толығымен бас мердігермен бірге референдті стансаларды осы қазақстандық мамандарды даярлау жоспарланып отыр.