Еуропалық сарапшылар халықтық Конституцияны жоғары бағалады

«Конституцияда мемлекеттің басты құндылығы ретінде адам мүддесі алдыңғы орынға шыққаны демократияның айқын көрінісі». Еуропа сарапшылары осылай дейді. Олар азаматтардың құқығын цифрлық ортада қорғау ісінің конституциялық деңгейде айқындалғаны жоғары бағаға лайық екенін айтады. Бұл адамның жеке өміріне қол сұғуға жол бермей, ақпараттық қауіпсіздікті қамтамасыз етеді» дейді сарапшылар.

Мишель Де Кемметер, «Club of Brussels» халықаралық сараптамалық желісінің негізін қалаушы:

Бұл - шынымен де үлгі болуға тұрарлық іс. Құнды еңбек. Қазақстандағы жаңа Конституция гуманистік, ұжымдық және инклюзивті деп айтар едім. Халықтың мүддесін қорғауға бағытталған. Бұл институционалдық тұрғыдан бір орында тұралап қалған көптеген Батыс елдері үшін керемет үлгі. Халық, қоғам болып, идеялар мен ұсыныстар енгізу арқылы, өзгеріс енгізгені ерекше тәжірибе.