Сел қаупі: Алматыда жедел желі іске қосылды

Алматының Наурызбай ауданында сел қаупіне байланысты жағдай бақылауда. Дәл қазір тұрғындарға қауіп төніп тұрған жоқ. Дегенмен Төтенше жағдайлар департаменті тәулік бойы жұмыс істейтін жедел штабтың құрылғанын айтты. Құтқарушылар жағдай бақылауда әрі тұрақты деп, тұрғындарды дүрбелеңге берілмеуге шақырды. Наурызбай ауданында тұрғындарды эвакуациялау жүргізілген жоқ. Уақытша орналастыру пункттері тек алдын алу шарасы ретінде дайындалған. Бұған дейін қала тұрғындарының телефонына арнайы хабарлама жіберіліп, таулы аймақтарға бармау жөнінде ескерту жарияланған.

Дәл қазіргі уақытта іске қосылған жедел желінің нөмірі: 8 (727) 279-22-32.