Президент халықаралық гимнастика ұйымдарының жетекшілерін қабылдады

Алматыда Орталық Азиядағы ең ірі әрі бірегей Гимнастика орталығының құрылысы басталды. Бұл туралы Мемлекет басшысының Халықаралық гимнастика федерациясының президенті Моринари Ватанабэмен және Азия гимнастикалық одағының президенті Абдулрахман Әл-Шатриді қабылдауы кезінде айтылды. Қасым-Жомарт Тоқаев халықаралық ұйымдардың Қазақстан гимнастика федерациясына көрсетіп келе жатқан жан-жақты қолдауын жоғары бағалады. Сондай-ақ гимнастика спортын дамытуға сіңірген еңбегі үшін Халықаралық гимнастика федерациясының президенті Моринари Ватанабэні I дәрежелі «Достық» орденімен, ал Азия гимнастикалық одағының президенті Абдулрахман Әл-Шатриді II дәрежелі «Достық» орденімен марапаттады.