ӘЧ – 2026: Норвегия азық-түліктерін ала келген

Норвегия құрамасы Әлем чемпионатына өзімен 580 келі азық-түлік ала келген. Мұндай шешім желіде қызу талқыланып жатыр. Мәселен кейбір желі қолданушылары команда америкалық азық-түлікке сенбегендіктен осындай қадамға барды деген пікір жазған. Алайда құраманың бас аспазы бұл ақпаратты жоққа шығарды. Оның айтуынша, Норвегиядан ойыншылар күнделікті тұтынатын бірнеше өнім ғана әкелген. Нақтырақ айтқанда, 300 келі албырт пен форель, 100 келі палтус балығы және 180 килограм ірімшік жеткізілген. Бұл спортшылардың әдепкі тамақ тәртібін бұзбау үшін маңызды дейді.

Біз мұнда ұзақ уақыт боламыз. Сондықтан атлеттердің өздерін үйдегідей сезінуге мейлінше жағдау жасауды мақсат еттік. Норвегияның салқын теңізінен ауланған балық пен теңіз өнімдерін ала келдік.