Нотариустарға талап күшейеді

Енді нотариустарға қойылатын талап күшейеді. Бүгін Сенатта қаралған соңғы заң осыған қатысты болды.

Былтыр елімізде 4700-ге жуық нотариус жұмыс атқарған. Олар 11 миллионнан астам нотариаттық қызмет көрсеткен. Депутаттардың айтуынша, бұл нотариус қызметінің қоғам өмірінде маңызды екенін және оған деген сұраныстың жоғары екенін білдіреді.

Енді нотариустардың жауапкершілігі күшейеді. Заң қызмет сапасын арттыруға және саланы цифрландыруға бағытталған.

Нұрлан Бекназаров, Сенат депутаты:

Заң аясында нотариаттық қызметті одан әрі автоматтандыру, ақпараттық қауіпсіздік деңгейін күшейту, нотариаттық әрекеттерді жасау кезінде мүдделер қақтығысы мен үлестестікке алып келуі мүмкін жағдайлардың алдын алу көзделген.