Маңғыстау мен Атырау облыстарында автогаз тапшылығы жоқ

Маңғыстау мен Атырау облыстарында автогаз тапшылығы жоқ. Энергетика министрлігі осыдай мәлімдеме жасады. Ведомствоның дерегінше, маусымда Маңғыстау облысында сұйытылған мұнай газына сұраныс 18 мың тонна болғанымен, 3 тонна артығымен жеткізілген. Бұл жергілікті ғана емес, өңір арқылы транзитпен өтетін көліктерді де қамтамасыз етуге жетеді, дейді министрлік. Атырауда да дәл солай. 2,5 мың тоннадан астам резервтік қор бар. Яғни, батыс өңірлерде автогаз жетпей жатқаны жайлы желіде тараған ақпарат шындыққа жанаспайды деп отыр.