Ғалымдарға 56 күндік демалыс беріледі

Ғалымдарға 56 күндік демалыс беріледі. Президент Қасым-Жомарт Тоқаев ғылым, білім беру, денсаулық сақтау және әлеуметтік қорғау салаларына қатысты заңға қол қойды. Құжатқа сәйкес, ғылыми ұйым қызметкерлеріне жыл сайын 56 күндік ақылы еңбек демалысы беріледі. Сонымен қатар ғалымдардың құқықтары, академиялық еркіндік және еңбекақы төлеудің бірыңғай тәсілдері бекітілді. Заң аясында ғылыми қалашықтар мен технологиялық парктерді дамыту, ғылымды қаржыландыру жүйесін жетілдіру және зерттеу нәтижелерін коммерцияландыруға қолдау көрсету қарастырылған.