Германияда зейнет жасы көтерілуі мүмкін

Германияда зейнетке шығу жасы өзгереді. Канцлер Фридрих Мерц үкіметтің зейнет жасын кезең-кезеңімен көтеруді көздейтін өзгерістер пакетін жыл соңына дейін қабылдатуды жоспарлап отырғанын мәлімдеді. Ұсынылып отырған реформаның негізгі бағыттары - зейнет жасын кезең-кезеңімен ұлғайту, мерзімінен бұрын зейнетке шығу мүмкіндіктерін шектеу және арнайы капитал нарығы қорын құру. Бұл қорға жыл сайын кемінде 30 миллиард еуро көлемінде қаржы аударылмақ.
«Егер адамдар ұзақ өмір сүріп, қоғам қартайып бара жатса, онда тұрғындарымыз ұзағырақ жұмыс істеуге дайын болуы керек», - деді канцлер.