Жамбыл облысында жылына 30 млн тонна жұмыртқа өндіретін зауыт салына бастады

Жамбыл облысы, Меркі ауданында жылына 30 млн тонна жұмыртқа өндіретін құс шаруашылығы зауытының құрылысы басталды. Инвестициялық жоба құны 1 млрд теңге. Аймақтың агроөнеркәсіптік әлеуетін арттыруға бағытталған жаңа нысан Тәтті ауылы маңына салынып жатыр. Кешеннің жалпы аумағы шамамен 4 гектар. Жоғары технологиялармен жабдықталатын кәсіпорын алғашқыда 20 мың бас тауық өсіріп, оны 100 мың басқа жеткізуді жоспарлап отыр. Асыл тұқымды құс өсіретін зауыт жылына 1 тауықтан – 300-320 жұмыртқа алады. Бұл ішкі нарықты сапалы отандық өніммен қамтуға мүмкіндік береді. Кешен құрылысы 2027 жылы аяқталады.