Басты Жаңалықтар Алматыда Нобель сыйлығының иегерімен кездесу болды

Алматыда Нобель сыйлығының иегерімен кездесу болды

22.06.2026 17:22

Алматыда әлемге әйгілі жазушы, әдебиет саласы бойынша Нобель сыйлығының иегері Мо Ян мен қазақ қаламгерлерінің шығармашылық кездесуі өтті. Жақында Қытай жазушысының «Халіңіз қалай, Фолкнер ағай?», «Сарымсақ жыры» атты қос кітабы қазақ тіліне аударылған еді. Енді туындылар оқырманға жол тартты. Сонымен қатар, әдебиеттің адами құндылықтарды дәріптеудегі рөлі, ұлттық болмыс пен көркем сөздің құдіреті талқыланды. Көрнекті қаламгер Мо Ян шығармашылығының ерекшелігі, жазушылық тәжірибесі және әлем әдебиетіндегі заманауи үрдістер жөнінде ой бөлісті. Ал қазақ жазушылары ұлттық әдебиеттің даму бағыттары мен қазақ прозасының бүгінгі тынысы туралы әңгіме өрбітті. Сондай-ақ әдеби байланысты нығайту, шығармашылық тәжірибе алмасудың маңызын атап өтті.

Мо Ян, жазушы, Нобель сыйлығының иегері:

Бүгінгі іс-шарада қазақ халқының ыстық ықыласын сезіндім. Қазақ оқырмандарының әлем әдебиетімен жақсы таныс екені мені ерекше қуантты. Алайда қазақ әдебиетінің туындылары қытай тіліне әлі де аз аударылады. Бұл бағытқа көбірек көңіл бөлінсе деген тілек бар. Қазақ шығармалары кеңінен аударылса, қазақ әдебиетін тереңірек танып, жазушыларымен пікір алмасуға мүмкіндік туар еді.

Автор

Айдана Қуантхан

Бөлісу