Алматы облысында өрт сөндіру бөлімі ашылды

Алматы облысы Талғар ауданындағы Нұра ауылында жаңа өрт сөндіру бөлімі ашылды. Заманауи депо екі өрт сөндіру техникасын орналастыруға арналған және тәулік бойы қызмет көрсетуге бейімделген. Бөлімше өрт сөндіру автоцистернасы, автосаты және жедел-құтқару көлігімен жабдықталды. Мұнда диспетчерлік пункт, оқу сыныптары, демалыс бөлмелері және спорт аймағы қарастырылып, құтқарушылардың жұмыс істеуі мен кәсіби даярлығына барлық жағдай жасалған. Шара аясында министр Шыңғыс Әрінов жаңа өрт сөндіру-құтқару техникасының кілттерін табыстады. Сондай-ақ, өңірдің азаматтық қорғау жүйесін дамытуға үлес қосқан тұрғындар мен қызметкерлер марапатталды.

Заманауи өрт сөндіру және құтқару техникасы және жеке құрамның елдімекендерге жақын орналасуының арқасында төтенше жағдай орындарына жету уақытын айтарлықтай қысқарады. Жаңа бөлім жалпы саны 10 мыңнан астам тұрғыны бар 4 елдімекеннің қауіпсіздігін қамтамасыз етеді. Депоны заманауи техникамен жарақтандыру міндеттерді тиімді орындауға сондай-ақ кез келген төтенше жағдайға жедел ден қоюға мүмкіндік береді.