Ақтөбеде дауылдан ағаштар құлап, ғимараттардың шатыры қирады

Қайырлы күн Дархан! Дауылдан тұрғындар зардап шеккен жоқ, алайда желдің екпіні қатты болғаны соншалық, 2 көпқабатты және бірнеше жеке тұрғын үйдің шатырларын ұшырып әкетті. Көшелердегі ағаштар мен электр бағандары да құлады. Тіпті тұрғындар жіберген мына бейнекөріністен құлаған шағын жүк көлігін де көруге болады. Дауылдың арты нөсер жауынға ұласты. Дегенмен коммуналдық қызмет бригадалары дауыл салдарын жоюға жедел кірісті. Олар 16 учаскеде жұмыс жүргізуде. Шаһарды электр энергиясымен жабдықтаушы мекеме мамандары да күшейтілген жұмыс режиміне көшіп, үзілген тоқ көздерін жалғады. Бүгін күн ашық, дегенмен синоптиктердің болжамынша, кешке қарай жаңбыр жауады.