Мемлекет басшысы телефон арқылы Атырау, Жамбыл, Маңғыстау және Ұлытау облыстары әкімдерінің есебін тыңдады

Мемлекет басшысы телефон арқылы Атырау, Жамбыл, Маңғыстау және Ұлытау облыстары әкімдерінің есебін тыңдады. Президент өңірлердің экономикалық әлеуетін арттыру, медициналық нысандардың құрылысын жеделдету жөнінде тапсырма берді. Аймақтарды дамытудың жаңа тәсілдері қажет екенін де ескертті. Сондай-ақ «Таза Қазақстан» акциясы аясында ауқымды жұмыс жүргізу аса маңызды екенін атап өтті. Жергілікті басқарушы органдар азаматтармен ұдайы байланыста болып, туындаған түйткілдерді уақтылы шешуі тиіс.