ӘЧ: Гана құрамасы Панаманы жеңді

Футболдан Гана құрамасы әлем чемпионатындағы алғашқы ойында Панаманы тізе бүктірді. Тартысқа толы кездесудің тағдырын шешкен жалғыз гол екінші таймға қосылған бесінші минутта соғылды. Шабуылшы Брендон Томас-Асантенің  пасын жартылай қорғаушы Калеб Йиренки сәтті аяқтады. Оның сұрапыл соққысы қақпа торын тулатып, матчтағы шешуші сәтке айналды. L тобының бірінші турындағы ойын Канаданың Торонто қаласындағы «Бимо Филд» стадионында өтті. Осылайша, маңызды үш ұпайды еншілеген африкалық ұжым турнир кестесінде екінші орынға көтерілді.