Президент медицина қызметкерлерін марапаттады

Мемлекет басшысы бүгін медицина қызметкерлерінің кәсіби мерекесі қарсаңында сала үздіктерін марапаттады. Бүгінде елімізде осы бағытта еңбек етіп жүрген мамандардың саны 280 мыңнан асады. Олардың әрқайсының еңбегі ерен. Осылай деген Президент медицина саласын дамытуға үнемі баса назар аударылатынын айтты. Қазір де осы бағытта ауқымды жұмыс істеліп жатыр. Нақты нәтижелер бар. Былтыр еліміз бойынша азаматтардың орташа өмір сүру ұзақтығы 76 жасқа жақындады. Соңғы үш жылда ана өлімі 35 пайызға, ал сәби өлімі 24 пайызға қысқарды. Ал кейінгі жеті жылда еліміз бойынша 1300-ге жуық денсаулық сақтау нысаны салынған.