Сауалнама: Бала тәрбиесіне әке де жауапты

Әке – отбасын асыраушы ғана емес, ол ұл-қызының тәрбиесіне де ден қою керек. Қоғамдық даму институты  жүргізген сауалнама кезінде ер азаматтардың 90 пайызға жуығы осындай пікір білдірген.  Институттың тағы бір зерттеуі барысында әкелердің 57 пайызы бала тәрбиесіне көңіл бөлуді басты құндылық ретінде санайтынын айтқан. Ал «бала тууды алдын ала жоспарлап, медициналық тексерістен өту керек пе?» деген сұраққа ер азаматтардың 67 пайызы «иә» деп жауап берген.