Астана айналасынан жүздей заңсыз қоқыс алаңы анықталды

Елорда аумағында 100-ге жуық заңсыз қоқыс үйіндісі анықталды. Қазір олардың 55-і жойылған. 44 учаске бойынша жұмыс жүріп жатыр. Қалалық әкімдік осындай ақпарат жариялады. Жалпы алғанда, шамамен 57 мың тонна қалдық шығарылып, 90 бірлік арнайы техника жұмылдырылған. Қоқыс қайта тасталмас үшін кіреберіс жолдарға шектеу аркалары мен бетон бөгеттер орнатылды. Айта кетейік, 2025 жылдан бастап заңсыз қоқыс тастағаны үшін жауапкершілік күшейтілген. Енді мұндай іс үшін 100-ден 1000 айлық есептік көрсеткішке дейін, яғни 4 млн 300 мың теңгеге дейін айыппұл қарастырылған. Ал қайталанған жағдайда айыппұл екі есеге артады.