«Қала хикаялары» республикалық байқауы жарияланды

Елімізде «Қала хикаялары» республикалық байқауы жарияланды. Проза жанрына арналған конкурс қазіргі Қазақстан қалаларының тыныс-тіршілігін көркем шығармалар арқылы бейнелейтін жаңа есімдерді анықтауға және қолдауға бағытталады. Қатысу үшін көлемі кемінде 10 авторлық баспа табақ болатын, бұрын еш жерде жарияланбаған қала тақырыбындағы романдар қабылданады. Әр автор бір ғана шығармасын ұсына алады. Байқау қорытындысы бойынша үздік шығармалардың авторлары дипломдармен және ақшалай сыйлықтармен марапатталады. Сонымен қатар жүлделі орын алған туындылар 15 мың данамен басылып, еліміздің кітапханаларына таратылады. Жұмыстар жыл соңына дейін Мәдениет және ақпарат министрлігінің мекенжайы бойынша қабылданады.