Екібастұздағы коммуналдық нысандар түгел жаңартылды

Еліміздің бірнеше өңірінде Энергетикалық және коммуналдық секторды жаңғыртудың ұлттық жобасы облигациялық қаржыландыру тетігі арқылы іске асырыла бастады. Пилоттық жоба әуелі Ппвлодар облысында іске асты. Облигациялық қаржыландырудың тиімділігі – республикалық бюджет облысқа  қажетті  қаржыны бірден береді. Ал аймақтар өз бюджетінен бірнеше жылдарға бөліп қайтарады. Мәселен Екібастұзда соңғы екі жылда коммуналдық сала бойынша жағдай едәуір жақсарды.  Себебі жылу электр орталығына қарасты негізгі құбырлар жаңартылған. Кеңес одағында салынған тар құбырлар 1000 милиметрлік құбырлармен алмастырылды.

Үш жылға 113,5 млрд теңге алдық. Соған сәйкес 53 жоба жасалды. Қазір біз энергетика және коммуналдық саланы жаңартк бойынша республикада топ бастап тұрмыз. 2025-2026 жылдарға 16 жоба, оның 7- і жылумен жабдықтау, 9 жоба электрмен жабдықтау саласында. 94 шақырымның құбыры ауыстырылып, 444 шақырым желі жөнделді. Тәуелсіздік алғаннан бері бұндай көлемде жұмыс алғаш рет атқарылып отыр. Бұның игілігін өткен қыста Екібастұз бен Павлодар қаласының тұрғындары әбден сезінді деп айта аламын.