Шомылу маусымында қауіпсіздік күшейтіледі

Шомылу маусымына арналған республикалық акция басталды. Мақсат – балалардың қауіпсіздігін күшейту үшін ақпараттық-түсіндіру жұмыстарын көбейту. Төтенше жағдайлар министрлігінің дерегінше, екі аптаның ішінде 24 мыңнан астам рейд өтіп, 600-ге жуық адам әкімшілік жауапкершілікке тартылды. Демек қауіпті аймақтарда шомылатындар азаймай тұр. Осыған байланысты министрлік жағажайда балаларды бақылаусыз қалдырмауға шақырып, ата-аналарға үндеу жасады.

Талдау көрсеткендей, судағы қайғылы оқиғалардың негізгі себептері – ата-аналардың немқұрайлығы, балаларды қараусыз қалдырғаны. Өйткені рұқсат етілмеген жерлерде өздеріңізге белгілі арнайы құтқару бекеті болмайды.