Қазақстан – Өзбекстан: Сауда көлемі $4,8 миллиардқа жетті

Қазақстан мен Өзбекстан арасындағы сауда көлемі 4,8 миллиард долларға жетіп, бір жылда 16,2 пайызға өсті. Бұл туралы Ташкент халықаралық инвестициялық форумында айтылды. Форумға қатысқан Қазақстан Премьер-министрі Олжас Бектенов Өзбекстан Президенті Шавкат Мирзиёевпен кездесіп, екіжақты ынтымақтастықты дамыту мәселелерін талқылады. Сондай-ақ Қазақстанның инвестициялық реформалары, «Altyn Visa» бағдарламасы және жасанды интеллект саласындағы ауқымды жобалары таныстырылды. Бұдан бөлек Қазақстанның цифрлық хабқа айналуына бағытталған жобасына әлемдік IT компаниялары Firebird пен NVIDIA 10 миллиард доллар инвестиция салып жатқаны мәлім болды.