Шенген аймағына кіру ережелері өзгерді

Шенген аймағындағы елдерде EES (Entry/Exit System) кіру ережесі өзгерді. Енді шетелдік туристердің деректері бірыңғай цифрлық базада тіркеліп, ал паспортта мөр қажет болмайды. Жаңа ережелер Еуроодаққа мүше емес елдердің азаматтарына қолданылмақ. Мақсат - шекаралық бақылауды электронды форматқа көшіріп, қағаз түріндегі құжат айналымын азайту. Шекарадағы тексеріс кезінде мамандар паспорт деректері, елге кіру және шығу уақыты тәрізді өзге де мәліметтерді тіркейді.