Президент Геннадий Головкинді Халықаралық бокс даңқы залына енуімен құттықтады

Мемлекет басшысы Геннадий Головкинді Халықаралық бокс даңқы залына ресми түрде енуімен құттықтады. Бұл туралы Президенттің кеңесшісі әрі баспасөз хатшысы Айбек Смадияров Telegram арнасында хабарлады. Қасым-Жомарт Тоқаев бұл тарихи оқиға - былғары қолғап шеберінің әлемдік спорттағы ерекше орны мен өлшеусіз еңбегінің айқын көрінісі екенін атап өтті. Президент Геннадий Головкинді әлемдік спорттағы Қазақстанның лайықты өкілі ретінде бағалап, оның жетістіктері жас спортшыларға жігер беріп, жаңа жеңістерге жетелейтініне сенім білдірді.