Басты Жаңалықтар Жамбыл облысында 300 адам баспаналы болды

Жамбыл облысында 300 адам баспаналы болды

15.06.2026 17:20

Жамбыл облысында үй кезегінде тұрған 300 адам қоныс тойын тойлады. Баспаналы болғандардың басым бөлігі көпбалалы аналар, ерекше бала тәрбиелеп отырғандар, мүгедектігі бар жандар мен ата-ана қамқорлығынсыз қалған балалар.

Жамбыл ауданының тұрғындарына Аса ауылынан 120 пәтер берілді. Сондай-ақ 200-ге жуық тараздық баспаналы болды. Олар пәтерлерді мемлекеттік бағдарламалар аясында жеңілдетілген шарттармен алып отыр. Алдымен 10 пайыз бастапқы жарна төлеп, 2-5 пайыздық мөлшерлемемен несиеге рәсімдеген. Өңірде 61 298 адам үй кезегінде тұр. Оның тең жартысы Тараз тұрғындары. Мәселені шешу үшін қала әкімдігі жаңа үйлер салудан бөлек, дайын пәтерлерді де сатып алып жатыр. Жыл соңына дейін аймақта үй кезегінде тұрған азаматтарға 1190 пәтер беріледі.

Бақытжан Орынбеков, Тараз қаласының әкімі:

Біз нарықтан сатып алып жатырмыз бұл пәтердің барлығын. Әр пәтердің құны 252 мың теңге шаршы метріне. Тағы да жыл соңына дейін 160 пәтерді сатып алып, кезекте тұрған әлеуметтік осал топтардағы азаматтарымызды пәтермен қамтамасыз етуді жоспарлап отырмыз.

Автор

Данияр Әлімқұл

Бөлісу