АҚШ пен Иран бейбіт келісімге қол жеткізді

АҚШ пен Иран бейбіт келісімге қол жеткізді. Ливанда да атысты тоқтату туралы келісті. Мұны Пәкістанның премьер-министрі Шахбаз Шариф әлеуметтік желіде хабарлады. Тараптар құжатқа жұма күні Швейцарияда қол қоймақшы. Әзірге ортақ мәміленің жай-жапсары жарияланған жоқ. Келісімнің жасалғанын Вашингтон мен Тегеран да растап отыр. Иран жағы бірнеше айға созылған күрделі және қарқынды келіссөздерден кейін Өзара түсіністік туралы меморандум бекітілгенін мәлімдеді. Ал АҚШ президенті Дональд Трамптың айтуынша, келісімге қол қойылғаннан кейін Ормұз бұғазы қайта ашылып, Иран порттары блокададан босатылады.