Президент АҚШ Қаржы корпорациясының халықаралық даму жөніндегі атқарушы директорын қабылдады

Мемлекет басшысы АҚШ Қаржы корпорациясының халықаралық даму жөніндегі атқарушы директоры Бен Блэкті қабылдады. Қасым-Жомарт Тоқаев Ақ үй әкімшілігіне Дональд Трамп келгеннен бастап Вашингтон Астанамен және Орталық Азия аймағымен ықпалдастық айтарлықтай жандана түскенін айтты. Бен Блэк Алматыда Қазақстанның іскерлік қауымдастығымен нәтижелі әрі мазмұнды кездесу өткеніне тоқталды. Қабылдау кезінде аса маңызды минералдар, өзара көлік байланысы, агроөнеркәсіп кешені, цифрландыру және жасанды интеллект салаларындағы ынтымақтастық жайы талқыланды.