Президент жаңа туған құлындарды Ақниет және Бөрте деп атады

Мемлекет басшысы асыл тұқымды Ақалтеке жылқыларын көруге арнайы барды. Қасым-Жомарт Тоқаев жуырда құлындаған екі биенің төлін тамашалап, жаңа туған құлындарға Ақниет және Бөрте деген есім берді. «Ер жетіліп, бас болар, тай жетіліп, ат болар» деген қазақы тәмсілді келтірген Президент жас арғымақтарға желмен жарысқан жүйрік болуын тіледі. Айта кетейік, Ақалтеке жылқысы әлемдегі ең көне әрі ең бағалы жылқы тұқымдарының бірі саналады.