Маңғыстауда үш ауысымды мектептер саны азайды

1. Маңғыстауда «Келешек мектептерінің» ашылуы өңірдегі үш ауысымды мектептер санын азайтуға ықпал етті. Мемлекет басшысының тапсырмасымен жүзеге асырылған ұлттық жоба аясында облыста 13 жаңа мектеп пайдалануға берілді. Нәтижесінде үш ауысымда білім беретін оқу орындарының саны 10-нан 3-ке дейін қысқарды. Ең бастысы, 13 мыңға жуық оқушы заманауи мектеппен қамтамасыз етілді. Жаңа білім ордаларының алтауы Ақтауда, біреуі Жаңаөзенде, қалғандары Мұнайлы, Бейнеу және Маңғыстау аудандарында бой көтерді. «Келешек мектептерінде» жаратылыстану-математикалық бағыттағы пәндерді тереңдетіп оқытуға ерекше көңіл бөлінген.
   Күлпан Мирова, облыстық білім берудің оқу-әдістемелік орталығының директоры:
   

1. Маңғыстау өңірінің келешек мектептері біздің мына үш ауысымды мектептерді жоюына көмектесті. Бізде үш ауысымды мектептердің саны азайды биылғы таңда. Соған өте күшті жағдай жасалып, әсер жасады. Жалпы келешек мектептер қазіргі заманауи мектептер деп айтуға болады. Ішінде материалдық-техникалық жабдықтары толықтай жабдықталған.