Болашаққа бәсеке: ЖИ бизнеске қалай әсер етеді?

Жасанды интеллектіні тиімді пайдалана алған компаниялар ғана болашақта бәсекелесе алады. Алматыда басталған New Vision халықаралық форумында әлемдік және отандық сарапшылар цифрлық технологиялардың экономикаға, еңбек нарығына және бизнеске әсерін талқылап жатыр.

Жасанды интеллект алдағы уақытта тау-кен өндірісінен бастап коммуникацияға дейін барлық саланы қамтиды. Жаңа мүмкіндіктерді тез игерген компаниялар алға шығады. Олардың үлесі шамамен 20 пайыз. Кейбір кәсіпорындар қазіргі деңгейін сақтап қалса, ал 10-20 пайыз компания технологиялық өзгерістерге бейімделе алмауы мүмкін. Сондықтан бұл бағытты бүгіннен бастап дамыту маңызды.

Болашақта жасанды интеллектінің кесірінен жұмыстан айырылып қалудан қорықпау керек. Керісінше жасанды интеллектісіз жұмыс істей алмаудан қорқу керек. Біздің мақсатымыз – қазіргі біздің командадағы адамдардың күшін, еңбек өнімділігін, эффиктивтілігін, әлеуетін жасанды интеллектіні қолдану арқылы арттыру. Қазіргі таңда бізде 500-600 адам жұмыс істейтін болса, олар 1-2 жылдан кейін 5-6 мың адамның істейтін жұмысын жасап, біз басқалардан қарағанда жылдамырақ шабуымыз керек.

Қазақстанның даму қарқыны жақсы. Қызмет көрсету саласын одан әрі жетілдіріп, жастарды көбірек оқыту қажет. Кез келген компанияның табысына ең көп әсер ететін факторлардың бірі – сапалы сервис. Осы бағытқа басымдық берілсе, Қазақстанның қарқынды дамуына барлық мүмкіндік бар. Бұл ел Сингапур сияқты өркендеуі әбден мүмкін.