Арыста көлік соққан сәби ауыр халде

Арыс қаласында болған жол апатынан зардап шеккен бір жарым жастағы сәби санитарлық авиациямен Түркістан облыстық балалар ауруханасына жеткізілді. Қазір жансақтау бөлімінде жатыр. Бүгін аталған аурухананың дәрігерлері біздің арнамызға баланың жағдайы туралы сұхбат берді. Медицина қызметкерлерінің айтуынша, оның бірнеше қабырғасы сынып, өкпесіне зақым келген. Сонымен бірге жамбас сүйегі сынып, бас ми жарақатын алған. Үш жасқа дейін жамбасқа ота жасауға болмайтындықтан операциясыз емдейді.

Баланың жағдайы ауыр, қалыпты. Бала өз есінде. Дәрігерлердің консилиумы өткізілді. Клиникалық хаттамаларға сәйкес қазір толық емдерін алып жатыр бала. Бала жазылғанша осы ауруханада болады.