ЖИ бойынша ең үздік білім беру бағдарламасының түлектері марапатталды

Орталық Еуразияда бизнес көшбасшылар арналған жасанды интеллект бойынша ең ірі білім беру бағдарламасы – AI Leaders деп аталады. Бүгін осы жобаның түлектерін марапаттау рәсімі өтті. Шараға Премьер-Министрдің орынбасары – Цифрлық даму, инновациялар және аэроғарыш өнеркәсібі министрі Жаслан Мәдиев қатысты. Жоба Кремний алқабындағы  Silkroad Innovation халықаралық хабымен және  OpenAI академиясымен бірлесе әзірленген.  Бағдарламаның академиялық жетекшісі – Питер Норвиг. Ол Stanford университетінің профессоры, жасанды интеллект бойынша әлемдегі ең үздік оқулықтардың авторы. Дәл осындай білікті мамандардан дәріс алған қатысушылар жоба соңында өз компаниясының AI стратегиясын дайындады. Оқу процесі 8 апта бойы жалғасты. Ұйымдастырушылардың айтуынша, AI Leaders бағдарламасы мемлекеттік сектор, бизнес және технологиялық қауымдастық өкілдерінің жасанды интеллект саласындағы білімін арттыруға бағытталған.

Әсет Әбдуалиев, Silkroad Innovation Hub негізін қалаушысы:

Осы тренингке 800-ден астам бизнес-лидерлер қатысты 9 мемлекеттен, бұл 800 лидер 150 ұйымда басқарады. Олар 2 ай ішінде ЖИ-ді қалай қолдану керегін үйренді. Осы жобаны біз 1 жылдан астам уақыт дайындадық.

Венера бабаева, жоба қатысушысы:

Бағдарламаның құрылымы өте қызықты болды. Себебі Stanford сияқты университеттердің AI концепциясының негізін қалаушы Питер Норвиг сынды академиктер сабақ берді.