Әл-Фарабидегі жол апаты: Айыпталушының достарына қылмыстық іс қозғалды

Алматыда әл-Фараби даңғылында болған жол апатына қатысты істі тергеуде айыпталушының төрт досына қылмыстық іс қозғалды. Олар тергеуде жалған айғақ беріп, жол- көлік оқиғасына дейін жүргізушінің ішімдік ішкенін жасыруға тырысқан. Бұл туралы адвокат Мейірман Шекеев айтты. Сонымен қатар, қызметтік әрекетсіздік бойынша полиция қызметкеріне қатысты да іс қозғалды. Ол да айыпталушымен бірге бір отырыста болып, мас күйдегі танысының көлік тізгіндеуіне жол берген.

Еске сала кетейін, 21 наурыз күні әл-Фараби даңғылында Zeekr көлігі қарсы жолаққа шығып кетіп, Mercedes автокөлігімен соқтығысқан. Салдарынан үш адам мерт болды.