Амнистия әкімшілік айыппұл арқалағандарға мүмкіндік береді

Тәуелсіз ел атанғаннан бергі уақытта елімізде істі болып, сотталғандар үшін  ең ауқымды рақымшылық жасалмақ. Оған орташа және аса ауыр емес қылмыс жасағандар, айыппұл арқалап оны төлей алмай жүргендер ілігеді. Бұл ретте тар қамақта отырғандардың бәрі мерзімінен бұрын босап шықпайды. Кейбірінің жаза мерзімі қыcқартылады, енді бірінің жазасы жеңілдетіледі. Ал бұрын рақымшылық алып, бірақ екінші мәрте қылмыс жасағандарға шектеу бар.

Серік Бәстемиев, заңгер:

Ерекшелігі  - бұл рақымшылықтың, бұл жаңа Конституцияны қабылдауымызға байланысты. Міне, қабылдайын деп жатырмыз. Екінші бір ерекшелігі - менің түсінгенім, осы егеменді елімізде 10 рақымшылық болған, заң шыққан. Бәрі қылмыстық құқық бұзушылықтарға байланысты. Ал рақымшылық - бұл тек қана қылмыстық құқық бұзушылық емес, әкімшілік құқық бұзушылыққа байланысты. Үлкен қуаныштың кезінде осындай рақымшылық қабылдау орынды деп санаймын.