Миллиондаған адам әкімшілік амнистия шарапатын көреді

Қазақстанда алғаш рет әкімшілік рақымшылық енгізуді көзделген заң жобасына сәйкес, 2026 жылдың 17 наурызына дейін жасалған бірқатар әкімшілік құқық бұзушылық бойынша салынған айыппұлдарды кешіру қарастырылған. Алдын ала есеп бойынша, рақымшылық миллионнан астам азамат пен кәсіпкерге әсер етуі мүмкін. Заң жобасы ауыр құқық бұзушылықтар мен қоғамға қауіп төндіретін әрекеттерге қолданылмайды. Мамандардың айтуынша, бұл бастама азаматтардың қаржылық жүктемесін азайтып, құқықтық жүйені ізгілендіруге бағытталған.

Құқықтық салдарды туындатпайтын жазаларға рақымшылық бергені дұрыс деп санаймын. Мына сот жүйесінде, атқару жүйесін жеңілдетеді ол. Ол әділеттілікті қамтамасыз етеді. Екіншіден, азамат пен мемлекет арасындағы сенімді нығайтады. Одан кейін біз жаңсақ басқан адамдарға өмірге қайтадан бейімделуге, қайтып ол қателіктерді жасамауға мүмкіндік береміз. Әлеуметтік тұрақтылықты нығайтады бұл.