Атырауда ойын-сауық саябақтарының бірінде алапат өрт шықты

Атырауда ойын-сауық саябақтарының бірінде алапат өрт шықты Зардап шеккендер жоқ. Оқиға кеше түнгі ондар шамасында болған. Тілендиев көшесінің бойында орналасқан Керемет паркінің үлкендеу бөлмесі және әткеншектердің бірі өртке оранып, қызыл жалын 80 шаршы метр аумақты шарпыған. Тілсіз жауды тоқтатуға төтенше жағдайлар департаментінің 22 жеке құрамы мен 4 техника жұмылдырылып, өрт түнгі сағат 23:47 шамасында сөндірілген. Қазір оқиғаның мән-жайы анықталып жатыр.
Жантөре Демешов, Атырау облысы ТЖД бастығының орынбасары:

Болжам бойынша тоқтан болуы мүмкін. Алайда себептері толықтай комиссиялық қарау жұмыстарынан кейін анықталады. Оқиға кезінде ішінде адамдар болмаған. Ешқандай жарақат алғандар мен зардап шеккендер жоқ.