Футболдан Әлем чемпионатының кестесі жарияланды

2026 жылғы футболдан Әлем чемпионатының Қазақстан уақытымен өтетін ресми кестесі жарияланды. Биылғы жаһандық дода АҚШ, Канада және Мексикада өтеді. Турнир 12 маусымға қараған түні Мехикодағы әйгілі «Ацтека» стадионында басталады. Мексика мен Оңтүстік Африка құрамалары кездеседі. Бұл Әлем чемпионаты тарихындағы ең ауқымды турнир болмақ. Алғаш рет оған 48 құрама қатысады. Жалпы саны 104 матч болады. Ал матчтардың басым бөлігі Қазақстан уақыты бойынша түн ортасы, таңғы уақыт пен жұмыс күнінің басына сәйкес келетінін еске саламыз.