Қостанай қалалық білім бөлімінің басшысы ұсталды

Қостанайда қалалық білім бөлімінің басшысы ұсталды. Ол Қылмыстық кодекстің 190-бабының 3 бөлігіне сәйкес құқық бұзушылыққа жол берді деген күдікке ілініп отыр. Бұл ақпаратты Қостанай облысының прокуратурасы жариялады. Осы құзырлы органның ресми хабарламасында «Қостанай қаласы әкімдігінің білім бөлімі» ММ-нің лауазымды тұлғаларына қатысты қылмыстық іс тергеліп жатыр. Олар басқа тұлғалармен Бөлімге қарасты мекемелерге бөлінген бюджет қаражатын жымқырған», - делінген. Тергеу барысында күдікке ілінгендердің тұрғылықты және жұмыс орындарында тінту жүргізілді. Тергеп-тексеру жалғасады.