30 маусымға дейін әскерге шақыртылады

Әскерге шақыру 30 маусымға дейін жалғасады. 17 наурыздан бері 21 мыңнан астам сарбаз қабылданған. Олар 18 бен 27 аралығындағылар. Азаматтарға шақыру электронды форматта SMS-хабарламалар және eGov порталы арқылы жіберіледі. Электрондық хабарлама ресми шақыру мәртебесіне ие. Хабарлама алған азаматтар жергілікті атқарушы органдардың әскерге шақыру пунктіне келуге міндетті. Себепсіз келмеген жағдайда әкімшілік жауапкершілікке тартылады. Ал әскери қызметтен жүйелі түрде жалтарғаны үшін қылмыстық жауапкершілік қарастырылған.

Ең бірінші Қазақстан Республикасы Ұлттық қауіпсіздік коммитетінің шегара қызметі, мемлекеттік күзет қызметі, төтенше жағдай министрлігінің әскери бөлімдері, қарулы күштердің әскери бөлімдері 100 пайызға орындалды. Бүгінгі күні азаматтарымыз әскери борышын өтеп жатыр. 22-мамыр мен 30 маусым аралығында ішкі істер министрлігінің «Ұлттық ұлан» әскери бөлім командалары жасақталады.