Алматыда 190 мың бала жазғы лагерьге барады

Алматыда мектеп жанындағы жазғы лагерьлер ашылды. 207 мектеп базасында ұйымдастырылатын демалыс орны биыл 190 мыңға жуық баланы қамтиды. Балаларды әлеуметтік қолдау мақсатында 42 мың оқушы ыстық тамақпен қамтамасыз етіледі. Демалушылардың бос уақыты болмайды. Жоспар бойынша лагерьде спорттық жарыстар, шығармашылық шеберлік сағаттары, экскурсиялар мен танымдық сабақтар ұйымдастырылады.

Жанар Оразалиева, №215 мектеп директоры:

Лагерімізде толығымен бастауыш сынып мамандары қамтылды. Барлығы жоғары білімді мамандар. Барлық мектеп толығымен камерамен қамтамасыз етілген. Қазір мектептерімізде 238 камера бар. Іші 138 камера. Балаға қауіпсіздікке байланысты балаларды камерамен көріп отыра аламыз.