Үкімет басшысы есірткі қылмысына қарсы іс-қимыл жөніндегі штаб отырысын өткізді

Ішкі істер министрлігі биыл 1 мың 200-ден астам есірткіге қатысты қылмысты әшкереледі. Бұл туралы Премьер-министр Олжас Бектеновтің төрағалығымен өткен штаб отырысында айтылды. 6 ұйымдасқан қылмыстық топ, оның ішінде біреуі трансұлттық ұйымдасқан қылмыстық топ ұсталған. Биыл әлеуметтік желілерде және мессенджерлерде 4,5 мыңнан астам заңсыз материалдар бұғатталған. Штаб отырысының қорытындысы бойынша Премьер-министр криптовалюталарға байланысты күмәнді қаржылық операцияларды анықтау мен бұғаттауға арнайы бағдарлама әзірлеуді тапсырды. Сондай-ақ ақпараттық жұмыстарды күшейтуді және қылмыстық топтармен күресте жасанды интеллектіні пайдалану қажеттігін атап өтті.

Олжас Бектенов, ҚР Премьер-министрі:

Өкінішке қарай, жағдайдың жақсарғанын көріп отырған жоқпыз. Бұған себеп – бүкіл әлемдегі есерткі нарыңының елеулі өзгерістерге ұшырауы. Нашакорлық синтетикалық модельге көшті.Үкіметке қосымша шара қолға алу тапсырылды.