Павлодарда «Жасыл әлемге саяхат» атты іс-шара өтті

Павлодарда республикалық «Таза Қазақстан» акциясы аясында «Жасыл әлемге саяхат» атты іс-шара өтті. Мақсаты баланың оқушы кезінен бастап экологиялық ойлау мәдениетін арттыру және табиғатқа жанашырлықпен қарауға үйрету.  Ерекшелігі сол, шара экскурсиялар мен интерактивті белсенділік форматында өтті. Қатысушылар өсімдіктер әлемімен танысып қана қоймай, ойын ойнап, практикалық жұмыстар бойынша тапсырма орындады. Мұндай формат қызықты әрі экологиялық мәселелердің шешімін табуға негіз болады дейді ұйымдастырушылар.

Яғни елдегі тазалық әр адамның саналы көзқарасы және нақты іс-әрекетке байланысты.

Гүлнар Нұрмұхамбетова, облыстық «Жасыл ел» штабының жектешісі:

«Жасыл әлемге саяхат» деп аталатын бұл шара республикалық «Таза Қазақстан» акциясы аясында өткізілді. Балалар танымдық ойындарға қатысып, табиғатты, экологияны қорғау туралы дәріс тыңдады. Экология мектебінің жұмысымен танысты.