Астанада «Балаларға бақыт сыйлайық» қайырымдылық концерті өтті

Балалар күні қарсаңында Астанада «Балаларға бақыт сыйлайық» атты қайырымдылық концерті өтті. №110 мектепте «Мейірімділік» қоғамдық қорының ұйымдастыруымен өткен акция аясында оқушылар өнер көрсетті. Сондай-ақ 70-тен астам бүлдіршінге арнайы сыйлықтар табысталды. Былтыр ғана пайдалануға берілген бұл заманауи білім ошағында қазір екі жарым мыңнан астам оқушы тәлім алады. Оның ішінде ерекше білім беруді қажет ететін 54 бала да сапалы оқу үрдісімен толық қамтылған.

Оқушылардың өнерін, білімін бағалау мақсатында қайырымдылық акциясы мектепте жиі жүргізіліп жатады. Әр оқушының өнерге, өмірге, әлеуметтенуге деген қызығушылығын қалыптастырады.