Қарағанды облысында жаңа құбыр зауыты іске қосылады

Қарағанды облысы Саран индустриалды аймағында жаңа құбыр зауыты іске қосылады. Қазақстан мен Ресейлік серіктестердің бірлескен кәсіпорыны биылдың өзінде 8000 тонна өнім өндірген. Зауытта 400-ге жуық адам жұмыс істейді. Жыл соңына дейін өнеркәсіп толық қуатта жұмысын бастамақ. Алдағы уақытта зауыт жыл сайын 370 мың тонна өнім өндіруді көздеп отыр. Оның үстіне жұмысшылар саны да 2 есе артпақ. Кәсіпорын өнімі коммуналдық секторда, мұнай-газ және машина жасау саласында кеңінен қолданылады. Жоба толықтай жеке қаржы есебінен жүзеге асуда. Қазірдің өзінде көршілес елден 50 миллиард теңгеге жуық инвестиция тартылған.

Александр Белоусов, «Тэмпо - Қазақстан» ЖШС техникалық директоры:

Өнеркәсіп Қазақстан бойынша баламасы жоқ бірегей жоба. Қазір ішкі нарықты қамтамасыз етуге тырысамыз. Аладғы уақытта экспортқа шығару жоспарда. Мұнда дәнекерленген тігісті күйдірудің ерекше технологиясы қолданылады. Соның арқасында құбырды өте жоғары температурада қолдана алады.