Мұғалімді артық жүктемеден босататын заң мақұлданды

Енді мұғалімдерді өзіне қатысы жоқ жұмыстар мен қоғамдық іс-шараларға тартуға қатаң тыйым салынуы мүмкін. Сенат педагогты артық жүктемеден босататын заңды бүгін екінші оқылымда мақұлдады. Заңнаманың басты жаңалығы – мұғалімдерге құжаттарды қағаз және электронды түрде бірдей жүргізуді міндеттеуге жол берілмейді. Сонымен бірге, заңда көрсетілмеген есеп талап етілсе, лауазымды тұлғалар әкімшілік жауапкершілікке тартылады. Құжатта білім сапасын арттыру да көзделген. Оқушылардың мектепте ұялы телефонды пайдалану керегін уәкілетті орган арнайы қағидалар арқылы реттейді. Сондай-ақ заңда талантты жастарды қолдау тетігі қарастырылған. Енді WorldSkills сияқты халықаралық байқауларда жеңіске жеткен колледж студенттеріне ҰБТ тапсырмай-ақ университетке түсу құқығы берілмек.